الحب الأعمى

   هو أحبها بجنون وأراد الإرتباط بها وهى لا تبادله نفس الشعور
 هى فقط تظهر له أنها تحبه ولكن الحقيقة غير ذلك  فهى مرتبطة بشخص تانى خالص
هو تحدى أهله وسافر إلى إحدى دول الخليج حتى يستطيع أن يرتبط بها دون مساعدة من أهله فى تكاليف زواجه منها
هى تتبادل الهدايا  والمقابلات مع من تحبه
هو جه مصر فى الصيف فى أجازته الصيفية
صاحبه  أبلغه بأنها هتقابل فلان الفلانى بكرة فى المكان الفلانى
هو ذهب فى الموعد المكان الذى حدده له صاحبه فوجدها مع نفس الشخص الذى ححده له صاحبه
هو قالها تعرفى ده منين ؟
وأخبرها أن صاحبى أبلغى بكل اللى سفته  من إمبارح
هى والدموع نازلة من عينها بغزارة
دى كانت مقابلة بالصدفة البحتة
وإنت إزاى تقول كدة
تصدق عليا الكلام ده !!!!
هو مصدقك ومتزعليش منى
وسافر إلى عمله فى الخليج
 هو يرسل لأهله التهديدات  إن لم يرتبط بها
فلن ينزل أجازته السنوية
والده  يرضخ للأمر الواقع ويذهب لأهلها ليطلبها له
 

أرجوكم لاتنسوهم

الجمعة الاولى من شهر ابريل هى إحتفال بيوم اليتيم فيه تسلط الاضواء والكاميرات على نجوم الفن والاعلام والسياسة وهم يتبادلون إلتقاط الصور التذكارية بمناسبة يوم اليتيم وبعد ان تطفأ الأنوار الاعلامية يعود كل إلى حاله ، الأطفال إلى دور الايتام والباقى إلى أعمالهم
وفكرة يوم اليتيم فكرة جميلة لكى يشعر الأيتام ان لهم وجودا فى المجتمع وان لهم حقوقا ، وأنهم بشر يستحقون الاهتمام،والرعاية ويستحقون أن يتعاملوا كأفراد طبيعيين ورغم أهمية يوم اليتيم وفكرته الجيدة الا ان الاحتفال لا يزال مقصوراً على الشو الاعلامى فقط ، ويجب أن يتحول الى مكسب ويوم حقيقى للأيتام ، وليس يوما فقط ، وإنما يجب أن يتحول إلى أيام كثيرة بل وأسابيع يتم فيه دراسة أحوالهم وإحتياجاتهم وتوفير سبل الرعاية اللازمة لحمايتهم .

حضرة الشاويش هند

تخيل إن إبنتك أو أختك جالها إستدعاء للجيش 
هيكون موقفك إيه 
تخيل إن واحدة حامل والجيش طلبها هتروح إزاى
أو واحدة عندها عيلين وجالها إستدعاء من الجيش !!!
أكيد جوزها هو اللى هيقعد بالعيال ، ويسلام بقى لو فيه عيل بيرضع
 طب البنت هتسافر بالقطر الحربى إزاى  !
وهو بيبقى لحم على بعضه
طب أهل الصعيد هيتقبلوا الفكرة دى إزاى !!
هيقولوا عليا رجعى ومش عاوز المرأة المصرية تاخد حقها  .
أبداً والله المرأة دى أمى وأختى وبنتى وزوجتى .
بس يا جماعة خلينا نفكر بواقعية شويه عشان منخلقشى مشاكل لنفسنا  بعدين ملهاش حل  ، كفاية المشاكل اللى فى بيوتنا
هتقولى واحدة النساء فى غزوات الرسول صل الله عليه وسلم
كانوا بيشتركوا فى الحروب .
هاقول لها كان الغالب على دور النساء مُداواة الجرحى والمرضى ومناولة الطعام والشراب .
كل اتساؤلات اللى فاتت دى ليه ؟
لأن الصحف المصرية نشرت خبر إعلان أعلنت حركة "مجندة مصرية"، جمع 19 ألف توقيع لتجنيد الفتيات والسيدات بالقوات المسلحة، وبدء تحقيق حلم الحركة، ودخوله حيز التنفيذ؛ بعد وعد اللواء محيى الدين عبدالعليم، مدير إدارة التجنيد والتعبئة بالقوات المسلحة، بتعديل قانون التجنيد، بشأن إلحاق الإناث بالجيش، بالخطوط الخلفية.
وكشفت جهاد الكومى، المتحدثة باسم الحركة، عن تزايد انضمام المؤيدات للحركة، مشيرة إلى زيارة الحركة محافظة الإسكندرية، وترحيب الأهالى بهن، من خلال توقيعهم على استمارة تأييد الحركة، لافتة إلى انضمام شقيقة محمود بدر، منسق حركة تمرد للحركة، والتقائها "بدر" والاتفاق معه على مساعدة الحركة ونشرها في المحافظات.
وأشارت إلى أنها التقت المهندس إبراهيم محلب، رئيس الوزراء، بناء على رغبة الرئيس عبدالفتاح السيسى، الذي رحب بالفكرة

تنبيه

 للأصدقاء فيه إستفتاء لمدة شهر عن تجنيد الفتيات فى العمود الجانبى للمدونة أسفل ساعة المدونة ، من يريد أن يبدى رأيه فله جزيل الشكر ، ومن لم يرد فله جزيل الشكر أيضاً .

ومن البلطجة ما نفع !!!!!!!

 

هما شابان يتيمان أب وأم، الأكبر اسمه إبراهيم والأصغر اسمه أحمد ليس لى علاقة بهماغير أنهما جيران لنا ، كل ورثهم عن أبيهم شقة وسطح غير مبنى فى منزل مكون من ثلاثة أدوار  مستولى على المنزل بالكامل عمهم اللى مش موافق إن ولاد أخوه ياخدوا حقهم والمصيبة الأكبير إن كل اللى تدخلوا فى المشكلة من الجيران مؤيدين لرأى عم الشابان ماعدا شيخ المسجد الوحيد الذى يقف مع الشابان ، المشكلة دى بسمع عنها من سنة ومش عايز أتدخل إلى أن استنجد الشابان أبراهيم وأحمد بى وبصاحب لى كنا قاعدين ساعتها مع بعض
إبراهيم : وهو يبكى يعنى إنتوا شايفين الظلم وعارفين كل حاجة ومش عايزين تدخلوا
صاحبى يرد : إهدا يا إبراهيم أنتم أهل فى بعض
إبراهيم : الكلام دا لو المشكلة بقت على أدنا فلان وفلان وفلان تدخلوا وكلهم فى صف عمى ما عدا الشيخ أحمد إمام المسجد هو الوحيد اللى فى صفنا
صاحبى : موجهاً كلامه لأبراهيم : طب روح لناس كبيرة عندكم فى العيلة
إبراهيم : رحت لهم كلهم ، اللى مطنش واللى مكبر واللى قال مليش دعوة بالموضوع ده 
أنا  : خلاص  يا إبراهيم سيبها لله ، وإن شاء الله هنلقيلها حل .
  لله الأمر من قبل ومن بعد روح يا إبراهيم إنت وأخوك إطمن واحنا هانتصرف
  صاحبى : هنعمل إيه فى الموضوع ده ؟
أنا : هنروح لعم الأولاد اليتامى دول ونحاول ندخله من الناحية الدينية
ربنا بيقول .......
الرسول قال ......
عذاب الأخرة.......
 المهم روحنا أنا وصاحبى لعم الشابان ، نكلمه بكل الوسائل وشتى الطرق موصلناش معاه لحل
خرجنا من عنده مولعين من أسلوبه وبجاحته فظيعة
صاحبى : إيه العمل دلوقتى
أنا  : لابد أن نذهب إلى كبير عائلتهم لنطلعه على الأمر حتى لا يلومنا حد فى حالة إتخاذنا أى تصرف
صاحبى : كلهم ناس أى كلام ومش هايخدوا قرار
أنا : نروح لهم برضوا عشان مفيش حد يغلطنا بعد كدة .
روحنا أنا وصاحبى لكبير عائلتهم وشرحنا له الوضع
قال : أنا تدخلت فى الموضوع وعم العيال متمسك برأيه ومبيكبرشى لحد . كان بودى أحل مشكلة العيال اليتامى دول
أنا : متشكرين ياعم الحاج وخليك فاكر إن احنا ردينا عليك  سلاموا عليكوا .
أنا لصاحبى وإيه العمل دلوقتى
صاحبى : يحلها الحلال ،  أنا عارف واحد عارف بلطجية من قرية عرب أبو ذكري
أنا :  يا نهار إسود دا قرية عرب أبو ذكرى تجار مخدرات وحشيش وسلاح وبلطجية علنى والشرطة مبتعرفشى تدخلها ، همدخلها إحنا إزاى
صاحبى : هندخلها عن ظريق الشخص اللى أعرفه ده
 هى مش هتتحل إلا بكده
أنا : ربنا يسترها علينا إحنا نيتنا خير وربنا يعلم .
صاحبى : إتصل بالشخص اللى هيوصلنا بالبلطجية فى قرية عرب أبوذكرى وحكا له القصة واتفقوا على ميعاد نروح فيه نتقابل مع البلطجية .
وفى الموعد المجدد ركبنا عربية صاحبى ، وفوتنا على اللى هيوصلنا للبلطجية ، واتجهنا إلى القرية التى عندما يسمع أى شخص إسمها فى المنظقة يترعب ، وعند مدخل القرية أوقفنا ثلاثة شباب راكب كل واحد منهم موتوسيكل سباق ، ووجوههم متجهمة ، سألونا رايحين فين ، فرد عليهم الوسيط رايحين عند فلان ، فقال الثانى ادخلوا ، ورمى  الثالث لفافة بنى مغطاه بورق السلوفان ، فناداه الوسيط وقال له إحنا ملناش فيه وأعطاه إياها، كل ذلك وأنا أنفاسى محبوسة لأنى عرفت أنها قطعة من مخدر الحشيش ، وأخذت أردد فى داخلى استرها يا رب .
سرنا بالسيارة لمسافة بسيطة حتى استوقفنا شاب راكب موتوسيكل سباق وقال رايحين فين ،فرد الوسيط عند فلان ، فقال إمشوا ورايا ، فمشينا وراه فى حوارى وأزقة إلى أن وقف فجأة وقال هو دا بيتهم وطرق الباب حتى خرج شخص لا يقل تهجماً مما قابلناهم فى مدخل القرية فسأل الشاب الذى وصلنا للذى خرج من البيت
تعرف دول ؟
أنا قلبى وقع فى رجليا
فرد الشاب الذى خرج من البيت أنا أعرف ده على الوسيط ودول جايين معاه فى مصلحة ، فانصرف الشاب اللى وصلنا ، ودخلنا البيت ، وأنا ما زلت أردد استرها يارب إحنا جايين فى عمل خير ونرجع حق اليتامى
الشاب اللى إحنا رايحين له طلع اسمه على
على :  خير
حكينا قصة الشابان اليتامين  ومحاولاتنا البائسة فى حل المشكلة ودى ، ولا كن دون جدوى
على  :  عايزين سلاح أجيبه لكم ، عايزين رجالة مفيش مانع
صاحبى : عايزين رجالة مخلصة تخوف عم العيال دول بس
على : أنا وإخواتى وولاد عمى هنقف لليتامى دول ببلاش من غير فلوس خالص ولوجه الله ، ولوعايزين عمهم ده يختفى من على وجه الأرض هنتاويه
صاحبى : إحنا عايزين نرعبه بس .
أنا : سبحان الله البلطجية قلبهم حن لليتامى وعمهم من لحمهم ودمهم قلبه حجر ، واتفقنا على موعد نتقابل فيه وجهم الرجالة وضربوا ببندقية آلى كام طلقة بجوار البيت اللى فيه المشكلة ورضخ عم الشابان اليتامان للبلطجية و أعطاهم حقهم ، وعملنا لهم عزومة كبيرة ، عرضوا علينا يعزمونا عندههم ، فرفضت تماماً وقولت لهم يمين بعظيم  أبداً  ، على رأى عمنا رمضان أبوالعلمين لن أدخل بلدكم مرة ثانية ولن أمر من أمام مدخلها طول حياتى ، وضحكنا جميعا وصارت معرفة وصداقة بالتليفون فقط من ناحيتى ، أما هما ييجوا عندى ، لكن أنا أروح عندهم أبداًاااً . ً 

   

الفالنتين وسنينه

اليوم يحتفل الشباب بما يسمى عيد الحب ، بوصفه يوما للحب و وفاء لذكرى أحد القديسين الذي عاشوا في بداية ظهور الديانة المسيحية و الذي تم اعدامه في هذا اليوم من عام 269 م ، كما يعتقد البعض بسبب مهمته الإنسانية في الحب من خلال تزويج الشباب و كذلك نسبت إليه كتابة أول بطاقة حب في ذلك الوقت البعيد و لكن واقع القصة يقول:-
القديس فالنتين هو أحد القديسين الذي كانوا يساهمون في نشر الديانة المسيحية و الذي تقول عنه الكتب التي بحثت في تاريحته أنه قتل على يد الإمبرطور الروماني كلوديس الثاني  حيث تقول المراجع التاريخية أن القديس فالنتين لم يقبل مناقشة كلوديس في الوثنية بل أصر على إقناعه باعتناق المسيحية و ترك الوثنية مما أثار غضب كلوديس و أمر بسجنه ثم إعدامه في هذا التاريخ                                   ولكن
في القرن الرابع عشر للميلاد بدأ البعض بتحميل قصة القديس فالنتين بعض المشاعر العاطفية و التي لم تكن سوا روايات شعبية غير موثقة تاريخيا
                          .. رأى الدين ..
 سئل الشيخ ابن عثيمين رحمه الله ما نصه
" انتشر في الآونة الأخيرة الاحتفال بعيد الحب خاصة بين الطالبات وهو عيد من أعياد النصارى ، ويكون الزي كاملا باللون الأحمر ، الملبس والحذاء ، ويتبادلن الزهور الحمراء ، نأمل من فضيلتكم بيان حكم الاحتفال بمثل هذا العيد ، وما توجيهكم للمسلمين في مثل هذه الأمور والله يحفظكم ويرعاكم ؟
فأجاب : الاحتفال بعيد الحب لا يجوز لوجوه :
الأول : أنه عيد بدعي لا أساس له في الشريعة .
الثاني : أنه يدعو إلى العشق والغرام .
الثالث : أنه يدعو إلى اشتغال القلب بمثل هذه الأمور التافهة المخالفة لهدي السلف الصالح رضي الله عنهم .
فلا يحل أن يحدث في هذا اليوم شيء من شعائر العيد سواء كان في المآكل ، أو المشارب ، أو الملابس ، أو التهادي ، أو غير ذلك .
وعلى المسلم أن يكون عزيزا بدينه وأن لا يكون إمعة يتبع كل ناعق .
..........
اعداد الموضوع
                                  .. زهرة الحياة ..

تجارب الحياة

تعليم ولا ّ.........

- وزير التعليم :- صرفنا ملايين الجنيهات لانتاج كتب مدرسية بأحسن مستوى
- وزير التعليم :- صرفنا ملايين الجنيهات لصيانة المدارس بمصر
- وزير  التعليم :- صرفنا مرتبات مهولة على المدرسين لكى يشرحوا بأفضل صورة
- وزير التعليم :- سيكون التعليم فى مصر أفضل

 
...........................................................
نعم نعمل يا سيادة وزير التربية والتعليم لقد صدقت فيما قلت وخير دليل ما شهدته الايام الماضية
أنا طالبة فى الصف الثانى الثانوى ، والعام  الماضى اجبرونا على دفع المصاريف لكى نستلم كتبنا كلها بدون تأخير والحجج كانت موجودة وهى ان احنا سبب التأخير وان الكتب موجودة وان احنا اللى مبندفعش ، دفعنا ، والحمد لله الحمد لله دخلنا الامتحان بدون اربع كتب مدرسية ، ومش كده وبس لأ ، من الاربع كتب كانت للترمين ، و فى يوم ما العام الماضى زار مدرستى مدير الادارة لكى يرى بنفسه سير العملية التعليمية  وعندما دخل فصلنا قمنا بإبلاغه اننا لم نستلم اربع كتب حتى الأن ونحن فى منتصف الترم الأول فما كان منه الا ان قال لنا بإبتسامة عريضة
- ما عندكم موقع الوزارة نزلوا اللى انتم عايزينه من عليه امال موقع الوزارة شغلته ايه -
دخلت يا سادة موقع وزارة التربية زالتعليم لكى احمل الكتب الاربع فلم أجد سوى كام كتاب للصف الثانى الابتدائى
ولم اجد اى كتاب يخصنا
وبالفعل دخلنا الامتحان بلا كتب مدرسة ، وتكرر ذلك السيناريو فى هذا العام 
أهذا التعليم فى مصر ؟
أوصل الاهمال لتلك الدرجة ؟
وتقولون نحن نرفض الدروس الخصوصية والكتب الخارجية !!؟؟
بالله عليكم لم نتسلم كتاب المدرسة ويحرموا علينا الكتب الخرجية والدروس الخصوصية ويجبروننا على الحضور فى المدارس لمجرد مظهرا تتباهى به المدرسة امام المدارس الاخرى والادارة ولجان المتابعة
نعم .. نعم انه التعليم فى بلدى الحبيب مصر