الأحد، 19 أبريل، 2015

هتكون ابن مين يعنى !!!


إبن مين فى مصر

كثيرا ما نسمع جمله لعلها لا تعنى لبعضنا شئ

لكنها قد تثير أعصابنا من كثرة ما نسمعها

الا وهى انت متعرفش انا ابن مين

وكأن تلك الجمله اصبحت متل اللبانة التى يتشدق بها

الاغلبيه العظمى من شباب الشعوب العربيه عامةً ومصر خاصة

فعندما يصدمك احد فى الشارع وعندما توجه له اللوم

يقول لك انت بترفع صوتك عليه انت مش عارف انا مين وابن مين

او عندما تحدث مناوشه ما بأحد المواصلات تسمع تلك الجمله من

احدهم انت بتكلمنى كدا ليه انت متعرفش انا ابقى ابن مين

حتى عندما يرتكب احد مخالفه ويستوقفه رجل المرور او ضابط الشرطه

يرد المخالف ويقول انا هوريك انا هعرفك مكانتك وقيمتك

انت اصلا متعرفش انا مين وابن مين
 تلك الجمله عن حدها زادت

 لهذه لدرجة  يخشي منها النااس

او حتى يلجأ البعض للتنازل عن حق من حقوقه

خشية ان يكون احد ما من هؤلاء ابن شخصيه مهمه

او رجل اعمال فتكيل له الاتهامات التى قد تؤدى بالزج به الى السجن

لكن هل تلك الجمله منتشرة بالدول الغربيه؟؟؟؟؟؟؟

بالتأكيد لا

فكثيرا نسمع عن محاكمة الوزير الفلانى لانه تعدى السرعه

او تم الحكم على ابن الوزير الفلانى بالخدمه العامه

لانه قاد سيارته تحت تأثير الكحول

والامثله كثيره على ذلك

ولم نسمع بيوم بتلك الجمله التى انتشرت فى مصر

فما رايكم

متى تنتهى تلك الجمله؟؟؟

متى يعامل الوزير والغفير كحد سواء ادا ارتكب احدهم مخالفه؟؟

متى يصير كل منا مسؤل عن افعاله؟؟

متى يصبح ابن المسؤل كابن الفلاح امام القضاء؟؟

متي نغلق أفواه من يتشدقواا بهذه الكلمات دون وجه حق؟؟؟

 الموضوع اثارنى لكثرة سماعى تلك الجمل

عن أبي بن كعب رضي الله عنه قال :  انتسب رجلان على عهد رسول الله - صلى الله عليه وسلم - فقال أحدهما : " أنا فلان بن فلان ، فمن أنت لا أم لك ؟ " ، فقال رسول الله - صلى الله عليه وسلم - : ( انتسب رجلان على عهد موسى عليه السلام ، فقال أحدهما : " أنا فلان بن فلان - حتى عد تسعة - ، فمن أنت لا أم لك ؟ " ، قال : " أنا فلان بن فلان بن الإسلام " ، فأوحى الله إلى موسى عليه السلام أن هذين المنتسبين : أما أنت أيها المنتمي أو المنتسب إلى تسعة في النار ، فأنت عاشرهم ، وأما أنت يا هذا المنتسب إلى اثنين في الجنة ، فأنت ثالثهما في الجنة  رواه الإمام أحمد

هناك 44 تعليقًا:

  1. انا جييييييييييييييت

    ردحذف
    الردود
    1. فيلسوفة التدوين
      أنت جيتِ
      و نورتى البيت

      احتراماتى

      حذف
  2. مسا الورد والجمال والسعاده

    ردحذف
    الردود
    1. فيلسوفة التدوين والفيس بوك
      صباح الورد والأمل والتفاؤل
      احتراماتى

      حذف
  3. بما انك عامل احتلال فى مدونتى يعنى مش فاضى تبص على مدونتك ههههههههههههه ضحكه شريره

    ردحذف
    الردود
    1. فيلسوفة التدوين والفيس بوك
      هههههههههههههههه
      ضحكة مبتسمة ومتفائلة
      اعتزازى واحترامى

      حذف
  4. لازم ولابد اقولك ان الصوره فظيعه مريعه ههههههههههههه الوان اللبس تحس كده انهم ولاد باشوات

    ردحذف
    الردود
    1. فيلسوفة التدوين
      ههههههههههه
      والله بحثت كتير على صورة مناسبة ملقتشى
      هههههههههه

      احتراماتى

      حذف
  5. هتكون ابن مين يعنى ؟؟؟؟ ده عنوان او سؤال او استفسار هذا ما سوف نفهمه عند قراءة التدوينه

    ردحذف
    الردود
    1. فيلسوفة التدوين زهراء
      التعجب هنا لشيوع العبارة بين المصريين على وجه الخصوص
      وفى الأغلب الأعم كل من يتفوهون بهذه العبارة
      هم من عندهم مركب النقص فى شخصيتهم
      ويريدون أن يحلوا على ما ليس بحقهم

      خالص احتراماتى


      حذف
  6. ايه ده مش اخدت بالى انى عملت خمس كومنتات الله اكبر عليا
    خمسه وخميسه هههههههههههههه

    ردحذف
    الردود
    1. فيلسوفة التدوين والفيس بوك
      هههههههههههههههههه
      خمسة وخميسة فى عين الحسود
      هههههههههههههه
      لختراماتى

      حذف
  7. قرات اول كام سطركده اكتر جمله بتخلينى مش طايقه نفسى انت مش عارف انت بتكلم مين ؟؟ تحس انك بتكلم رئيس مراجيح مولد النبى مثلا هههههههههههههه وانك بتتكلم مع واحد من اهم اربعه شخصيات فى مصر

    ردحذف
    الردود
    1. فيلسوفة التدوين والفيس بوك
      وفى الآخر تلاقيه مفتش مراجيح أد الدنيا
      ههههههههههههه
      احتراماتى

      حذف
  8. ستختفى هذه الجملة
    وهذا السلوك اذا تساوى
    الناس أمام القانون
    وجلس وكيل النيابة أمام القاضى
    بنفس المستوى مع المدعى عليه
    وليس بجانب القاضى كما حاصل الآن!

    ردحذف
    الردود
    1. دكتورة نور
      كلام حضرتك سليم
      وستختفى عندما يسود العدل فى المجتمع
      وعندما تختفى الشاوى والمحسوبية والتدليس والوساطة
      احتراماتى
      ا

      حذف
  9. بمناسبة ان الجمله زى اللبانه ياترى حضرتك تعرف اننا فى الاسكندريه مش بنقول لبانه انما بنقول مستيكه بندلعها انما اللبان ينقولها على لبان سماره لو حضترك تفتكره

    ردحذف
    الردود
    1. فيلسوفة التدوين زهراء
      عندنا بنعمل بالمثل اللى بيقول
      كله عند العرب لبان
      ههههههههههههههه
      احتراماتى

      حذف
  10. لان فينا ناس بتخاف اوى من اى حاجه ولان هناك ناس غلابه كتيييييييييييييييييييييييير فى مصر وبالتالى جملة انت مش عارف انا مين وابن مين بعضهم يترعب لما يسمعها وسوف احكى لك فى احدى الكومنتات القدامه عن هذه الجمله لما استخدمت حاجه شبه منها

    ردحذف
    الردود
    1. فيلسوفة التدوين زهراء
      كلامك سليم وفى الصميم
      الناس الغلابة بترتعد خوفاً من هذه العبارة
      احتراماتى

      حذف
  11. الاستاذ فارس الفرسان

    *-*-*-**-**-

    انت بقى مشغول بالاحتلال فى مدونتى وقررت ارد لك الاحتلال ايه رايك ههههههههه

    ردحذف
    الردود
    1. فيلسوفة التدوين
      ههههههههههه
      شاكرين مهللين لجناب المحتل الأكبر
      احتراماتى

      حذف
  12. الحديث الشريف اول مره اسمعه ويمكن لانه مش منتشر ومعروف ماحدش بيعمل بيه
    يمكن بسبب اللى بنمسع عنه كل يوم من حكايات وروايات الكتير بيكون ماشى جنب الحيطه او خلينى اقول ماشى جوه الحيطه

    ردحذف
    الردود
    1. فيلسوفة التدوين والفيس بوك
      الحديث كنت سمعته منذ فترة من الشيخ كشك رحمة الله عليه
      وتأكدت من صحته تماماً قبل أن أضعه
      احتراماتى

      حذف
  13. فارس الفرسان

    اعتقد ان موضوع انت ابن مين فى مصر عمره ما هيتلغى او هيقل لاننا احنا كده ده بقى طبع فى الكثير من البشر زى ما بيمشى فى الدم كرات بيضا وكرات حمرا وبلازما هتلاقى فينا طباع عمرها ما هتتغير ابدا ابدا ابدا

    ردحذف
    الردود
    1. فيلسوفة التدوين
      يتلغى إزاى وهو أحد مكونات ثقافة المجتمع
      احتراماتى

      حذف
  14. عاوزه اعمل احتلال لغاية عشرين كومنت تفتكر هاقدر

    ردحذف
    الردود
    1. فيلسوفة التدوين زهراء
      كفاية كدة أحسن المحتل يقوم بثورة ضدك
      ههههههههه
      احتراماتى

      حذف
  15. ده الكومنت رقم 15 ومعانا واحد من صديقتى دكتورتى الغاليه الحبيبه

    ردحذف
    الردود
    1. فيلسوفة التدوين
      شاكرين مهللين لوجود سعادتكم
      احتراماتى

      حذف
  16. احكى لك بقى عن موقف حصل من حوالى عشر سنوات كنت مع والدتى فى مشوار واحنا راجعين قررنا نتمشي على الكورنيش والوقت ده كنا فى اول اكتوبر وبالتالى الكورنيش بيكون هادى الى حد المهم واحنا ماشيين قولنا نقعد على سور البحر شويه لاقيت بنت وشاب قاعدين قعده كده كده وبتاع مش لازم اوصف المنظر يعنى ههههههههههه الكلام ده كان الساعه حوالى تسعه ونص مساءا ... المهم لاقيت عربية شرطه ونزل منها امين شرطه بس ماشى كده تحس انه لواء شرطه المهم كلم واحد كان ماشى وطلب منه البطاقه الرجل وقف قريب مننا والواد والبت اللى قاعدين ولا اتحركوا اصلا زى ما هما تحس انهم فى بيتهم قولت لماما يعنى الباشا الكبير ده " اقصد امين الشرطه " جه يوقف الرجل وسايب الواد والبنت فى اللحظه دى الباشا سمعنى قرب منى وطلب بطاقتى ولا اخفيك شرا لاول مره فى حياتى امشى من غيرها وللاسف ماما مش معاها بطاقتها بصيت له قولت له بطاقة مين قالى بطاقتك انتى ردت ماما قالت له وليه ان شاء الله احنا بنعمل ايه احنا قاعدين فى حالنا روح اتشطر على اللى قاعدين كانهم فى بيتهم وشاورت له على الواد والبنت راح قالها ماشى لما اشوف بطاقة المدام اللى معاكى قولت له على فكره انسه ولازلت قاعده على سور البحر قولت له عاوز تشوف بطاقتى مافيش مشاكل انا هاقف على الارض وهاطلع البطاقه وفى الايد التانيه هامسك الموبايل " ماكنش معايا موبايل اصلا " هاعمل مكالمه واحد بعدها نت مش هتكون فى اسكندريه هتكون فى الواحات او حلايب وشلاتين ايه رايك تحب تشوف البطاقه وانا باتكلم بكل جديه بس من جوايا ربنا يعلم هههههههههههههه رجع لورا خطوتين كده وقال لماما خلاص يا حاجه عشان خاطرك .........
    بس مش قولت له انت مش عارف انا بنت مين فى مصر هههههههههههههههه

    ردحذف
    الردود
    1. فيلسوفة التدوين زهراء
      ها أحكيلك موقف برضه
      إشمعنى أنا محكيش
      ههههههههه
      الكهربا كانت بتقطع عندنا كتير
      وبنتى كان عندها امتحان
      اتصلت بمحطة الكهربا اللى جنبنا
      وضخمت صوتى
      وقلت لهم فيم المسئول عن المحطة دى
      رد واحد قالى المهندس محمد
      قلتله
      انده عليه بسرعة
      قوله كلم سكرتير المحافظ
      جه مدير المحطة يجرى وهو مش عارف ياخد نفسه
      أيوة يا باشا
      قولت له
      الناس هنا عاملة تجمهرعشان أنتم قاطعين الكهربا عليهم
      إنتم مش حاسين بالناس إنتم مش حاسين بظروف البلد
      إنتم قاعدين على مكاتبكم ومش عارفين حاجة
      وصل الكهربا دلوقتى حالاً لمدينة قويسما وإلا هحملك المسئولية الجنائية
      الراجل يا عينى بقا عمال يقولى
      حححححاضر يا باشا حححححححاضر يا باشا
      والكهربا إتوصلت ولم تقطع بعدها مرة أخرى
      هههههههههههههه
      احتراماتى

      حذف
  17. السلام عليكم
    اخى فارس الفرسان
    انت اثرت نقطه مهمه جدا جدا واتكلمت عنها وهى بالفعل منتشره اوى اوى اوى فى مصر
    وده بيحصل بسبب التعالى والكبر ربنا يبعده عننا يارب
    كل واحد بقه من دول نتفش ريشه ومش عاجبه حد ومش عايز حد يلومه ولا يكلمه نص كلمه لو غلط
    تحياتى ليك والموضوع عجبنى اوى
    بس مأعتقدش ان الموضوع ده هينتهى الا اذا احنا تعانلنا مع الناس دى بجديه وحق وعدل

    ردحذف
    الردود
    1. قمر المدونات
      شاكر لكِ جداً
      والعبارة دى بالفعل بيقولها من عنده مركب نقص فى شخصيته
      اعتزازى واحترامى

      حذف
  18. فارس الفرسان
    أولا بحيك كثيرا على إثارة هذا الموضوع
    وما يحدث أنه شخص ليس له أصل ولا فصل ويحاول أن يبان أمام الناس أنه ذو أصل أو سلطة لكى يخافوا منه
    لو أنه إنسان من بيت اصل حقيقة لا ينطق مثل تلك التفاهات لأنه وببساطه لن يسمح لنفسه أن يصل لهذا الحد من الكلام الذى يضطر أن يقول مثل تلك الكلمات والتى أفضل إسم لها (النعرة الكاذبة)
    ومن يقول هذه الكلمة هل يا ترى هو ابن أحد الأنبياء والصالحين أم أنه إبن أحد ملوك المبراطوريات الغابره أم له اصل فى دول الخلافة الإسلامية قبل ذلك فمهما كان هو أو أبيه أو جده فنهايته فى ثوب يلبسه الغنى والفقير وفى قبر يدخله الغنى والفقير وقد يكون قبره أحد البحار أو بالوعات الصرف وهل وقتها سيعلم هو إبن من
    الكلمة دى أعتقد قدامها كتير لحد متختفى
    هتختفى لما الغالبية العظمى من الناس يرجعوا يتربوا من جديد
    تحياتى أخى الغالى

    ردحذف
    الردود
    1. نسر النسور
      شلكر ليك جدا
      وبالطبع هذا الإنسان الذى يتفوه
      بهذه العبارة لا تجد له أصل ولا فصل
      اعتزازى واحترامى

      حذف
  19. الايام دول
    وما نحن فيه الان.. بإذن الله لن يكون غدا
    تقبل التحية

    ردحذف
  20. الايام دول
    وما نحن فيه الان.. بإذن الله لن يكون غدا
    تقبل التحية

    ردحذف
    الردود
    1. أستاذ محسن
      يارب يكون بكرة أحسن
      وأحييك على تفاؤلك الجميل ده
      اعتزازى واحترامى

      حذف
  21. مساء الورد عليك
    موضوع مهم فعلا وهو من السلبيات فى مجتماعتنا العربيه
    وهو لو دل على شيىء يدل على قلة الحيله والكبر وعدم التواضع وكلها امور نهانا عنها دينا الحنيف
    نتمنى اكيد بتنتهى .. وهنقول يارب
    كل الود اخى

    ردحذف
    الردود
    1. Ebtesam Hoseen25
      مساء الفل والياسمين
      اشكرك على مرورك الكريم لمدونتى المتواضعة
      واتمنى دوام التواصل
      احتراماتى

      حذف
  22. والله عندك حق
    ولو ان كلمه ( انت متعرفش انا ابن مين ) اصبحت ( انت مش عارف انااااا مين )
    وهى الاكثر غرورا ونرجسيه ووحداويه

    موضوع رائع وسعيد جدا بطرحه
    لنضع اصابعنا على مكان الجرح فى المجتمع

    لكلماتك التحيه
    ولشخصك الكريم كل الاحترام


    ......

    ردحذف
  23. momken25
    ربنا يبارك فيك ويبارك لك
    وسعادتى غامرة بزيارتك الكريمة
    خالث اعتزازى واحترامى

    ردحذف
  24. ال يعني مصر بلد حلوة نتشرف اننا من ابنائها !!

    ردحذف

حرية إبداء الرأى مكفولة للجميع