عرض مغري اشتري منزلا واحصل علي العروسة هدية
ــــــــــــــــــــــــــــــــــــــــــــــــــــــــــــــــــــــ
عرضت امرأة إندونيسية بيتها للبيع في إعلان شمل أيضًا عرض الزواج من المشتري المناسب لها.
وبحسب تقرير"العربية"، تقول صاحبة المنزل البالغة من العمر 40 عاما، إن أشخاصًا قليلين أبدوا اهتمامًا بالمنزل، وأشارت إلى أنها كانت تقصد أن تجعل الإعلان خفيف الظل، إلا أنها اعترفت أنها تبحث عن زوج فعلًا.
وبحسب تقرير"العربية"، تقول صاحبة المنزل البالغة من العمر 40 عاما، إن أشخاصًا قليلين أبدوا اهتمامًا بالمنزل، وأشارت إلى أنها كانت تقصد أن تجعل الإعلان خفيف الظل، إلا أنها اعترفت أنها تبحث عن زوج فعلًا.
ههههههه احتلال
ردحذفهي تيجي مصر وتعمل الإعلان ده وتخليني السكرتيره انظم لها مواعيد العرسان لأن أقل حاجه كل يوم هتلاقي خمسين عريس لأن الشباب هنا معظمهم ضاربهم السلك هههههههه
ردحذفزهراء
ردحذفمبروك التعليق الأول
زهراء
ردحذفهههههههههه
والله شبابنا فعلاً غلابة
والإمكانيات مش مسعداهم
وللأسف كل واحد عنده بنت بيقطع فى الشاب وبيشرط عليه
شروط مجحفة
لذلك تجدى نسبة الطلاق زادت فى المجتمع المصرى
خالص اعتزازى
هههههههههه
ردحذفده حاجه جميله اوى
اكيد شباب مصر الوقتى يتمنوا يهاجروا
ماهو.عرض مغرى فعلا عروسه وشقه كمان
تحياتى بجد وبوست زى العسل ودمه خفيف اوى
قمر المدونات
ردحذفيا بلاش ياجماعة
حد يقول أنا
هههههههههههههههه
خالص اعتزازى
وعلى من يجد فى نفسه
ردحذفتوافر الشروط المطلوبة
فليتقدم ☺☺☺☺☺
دى لو نزلته فى مصر هتلاقى المشترين ألوف
ردحذفوطبعا كل واحد هيبقى مبسوط بيت وعليه عروسه هدية فرصة
متيجى يا فارس نهاجر لهناك ههههههه
صديقى جمال أبو العز
حذفأنا أهاجر الأول أشوف دى ولو لقيتلك
واحدة مناسبة هابعتلك
يعنى تكون نايمة على خميرة جامدة
ما أنت صديقى برضه وأتمنالك الخير
ههههههههههههههه
خالص احتراماتى
ههههههههههههههههه
خلاص حلال عليك دى
حذفبس لو لقيت واحده عارضه برج
متنسانيش بقى هههههههه
تحياتى اخى الكريم
أكيد مش هنسى جمال أخويا وحبيبى
حذفبس لازم برج ماينفعشى عمارة
وعربية روزارليس
هههه
احتراماتى
أنا أول ما شفت البوست افتكرت أخي الفاضل جمال هو اللي ناشره عنده في مدونته
ردحذفكنت هاقول له : ما تشوف كده يا جمال وأنت أولى بالترالم لم ده
:)
صديقى الباشا الكبير
حذفاللى بقالنا كتير مسمعناش صوته
أنا هاهاجر الأول أخدها انا
ولو لقيت حاجة مناسبة هابعتلك يا باشا
إنت والأخ جمال
هههههههههههههههه
احتراماتى
معقول يا باشا لو انا الى منزله هنساك
حذفكنت رشحتك علطول يا ريس :)
بس اعمل ايه بقى الى نزل الإعلان طمع فيه ههههههه
دكتورة نور
ردحذفالشروط متوفرة فى شباب كتير
الشباب غلابة
بس هى تيجى مصر
هتلاقى أمم عليها ليتقدموا لها
ههههههههههههههه
خالص اعتزازى
طب هو اللي معاه فلوس البيت ليه ياخد تهمه عليه ههههه
ردحذفهيا عملة موضوع البيت مسمار جحا
حذفبمعنى
هتشترى البيت ختاخدها على البيت عروسة هدية
يا جماعة هى عاوزة تتجوز من الآخر كدة
هههههههههه
احتراماتى
بس عارف هي اروبه جدعه يعني تقعد تبقى وتختار في العرسان لو عندنا واحده عملت كده يا لهوي لأصبحت مسخرة الشعب المصري كله
ردحذفزهراء
حذفعاوزة تتجوز والشباب الإندونيسى مطنش
تعمل إيه والله جدعة بجد
بس لو دى فى مصر كانوا اتريقوا عليها لما شبعت
وطلعوا عليها نكت واستظرافات بقه ملهاش لزمة
خالص اعتزازى
بجد أنا سعيد جداً بروح التعاون اللي بيننا يا جماعة ؛ ربنا يديمها علينا نعمة
ردحذف:)
طب احنا ممكن نعمل حاجة ظريفة ؛ بحيث نستفيد كلنا .. احنا نسافر على هناك ؛ ونقول لها أن عندنا في مصر العروسة هي اللي بتجيب كل حاجة وبتدفع كمان مهر للعريس على حسب سنها بما لا يقل عن عشرتلاف جنيه في السنة للبنت اللي عندها تمنتاشر سنة .. يعني كده أنتي هتدفعي مهر لأخونا جمال (عشرة في اتنين وعشرين سنة فرق سن) ميتين وعشرين ألف جنيه ؛ ده غير طبعاً أن البيت هتكتبيه باسمه ؛ وهدية خطوبة (بدل الشبكة يعني) لا تقل عن مليون جنيه (ما فيش حاجة اسمها أنتي ومقدرتك) .. طبعاً اللي هيتكلم هناك هو كبيرنا الأستاذ/ مدونة الفرسان وأنا هاحاول أضغط على أخويا جمال قدامها علشان يوافق أنها تجيب له هدية خطوبة بنص مليون جنيه (لازم واحد يشد وواحد يرخي يا جماعة علشان ما يقولوش أننا مدلوقين).
معايا ؟؟
خلاص كده البيت بقى باسم جمال ؟؟ وخدنا الفلوس ؟؟ فاضل إيه ؟؟ نخلع !!
نخلع إزاي بالسبوبة دي ؟؟
هنا يدخلوا الأخوات اللي مشرفينا في البوست وكل واحدة معاها عيلين تلاتة (ممكن أجيب علبتين عصير لياسين وآدم وييجوا معانا) ويقولوا لك : بقى جي تتجوز علينا وسايبنا وسايب عيالك في مصر ؟؟ وتلاقي ياسين بيتشعبط فيك وبيقول لك : بابا جمال بابا جمال !! وأنت تقول له : بابا مين ياد ؟؟ يقول لك : بابا أنت يا حبيبي !! .. وفي نفس اللحظة يدخل الكبير / تركيب في دور الظابط ويقبض عليك ويقول أنه مستني اللحظة دي من عشرين سنة علشان كان عليك حكم وأنت هربت منه ومن ساعتها وهو بيطاردك علشان يترقى !! .. أكون أنا في التوقيت ده بعت البيت وحولت كل الفلوس على البرازيل.
تسألوني إشمعنى البرازيل ؟؟
أقول لكم علشان قريت إعلان في مجلة برازيلية عن واحدة عارضة بيتها للبيع مقابل أنها تتجوز المشتري :)
صدقوني يا جماعة في ظرف سنة واحدة هنكون لمينا ثروة ولفينا العالم
الباشا الكبير
حذفأنا الأسعد يا صديقى
بصراحة خطة متخرش الميه
وبعد كدة ييجى الإنتربول الدولى يصدر لنا نشرة
حمراء بالبحث عننا بتهمى النصب العالمى
ههههههههههههه
خالص اعتزازى
شريف
ردحذفوالله العظيم انت مشكله فى التاليف والحبكه الدراميه وفكرتنى بفيلم شارع الحب والضابط جاى يقبض علي عبد الحليم ويقف يسمعه
وبعدين ايه البخل اللى انت فيه ده علبتين عصير لياسين وادم بس كل واحد فيهم تابلت او بلاش ستيشن عشان العيال ترضى تمثل وتعرف تمثل صح الصح عن جد فصلتنى ضحك وفاكر فيلم نص ساعه جوزار بتاع شاديه ورشدى اباظه لما العيال قعدوا يهزروا مع حسن مصطفى وطلع عين اهله وبعدين احنا ليه نتعب العيال ده احنا ممكن نعمل فيلم من غير تدخل اى عيل من العيال ونقول بقى ان اخونا جمال فى كل بلد له زوجه وواحده تتكلم انجليزى وتضرب باروكه والتانيه فرنساوى واطمن عندى الناس اللى تمثل ومش هتصدق انهم مش ممثلين كده انا معاك فى الفيلم ده ياااااااااااااااه بس البرازل دى تحفه اقل ما فيها الواحد يشرب شوية بن لهم العجب وبعدين احنا ممكن نعمل عصابه دوليه ونكسب ايه من الهوا والله هههههههههههههههههههه ولا تعب وتعليم وشغل ويطلع عيونا هنا معاك يا باشا ولو محتاج اى تعديل فى السيناريو معاك اطمن كلنا معاااااااااااااااك بس بقى لو الست دى طلعت زعيمه عصابه او حاجه كده او كده ولا نعرفك اجنا قعدين فى مصر ولا نعرف يعنى ايه تدوين او مدونات احنا ناس غلابه ماشيين جوه الحيط مش جنبه هههههههههههههههههههه
عن جد مبسوطه اوى بالحوار والكلام وربنا يديم علينا الاخوه والصداقه الى اخر العمر
ميزتهم برة انهم صادقين جدا مع أنفسهم
ردحذفعشان كده بيتعاملوا مع الأمور ببساطة وانسيابية
تحياتي :)
المشخصاتية صولا
ردحذفبالطبع هما بياخدوا الأمور ببساطة عننا
خالص تقديرى